Sport

Judo – Tompondakan’i Madagasikara toutes catégories Nisongadina ny fampiharana an’ireo lalàna vaovao

Sport
Talata 03 Aprily 2018

Atleta niisa 368 avy amin’ny klioba 25 anatin’ny ligy 8 eto amin’ny nosy no niatrika ny fiadiana ny ho tompondaka “toutes categories” ny taranja judo nandritra ny hateloana ka nifarana ny sabotsy 31 martsa teo tetsy amin’ny kianja mitafon’Ankorondrano eto Antananarivo.

Nambaran’ny DTN ny FMJ Malagasy, Rakotomalala Jean Jacques tamin’io andro io fa ankoatra ny fahafantarana an’ireo tompondaka nasionaly ankehitriny eo amin’ity taranja ity dia natao hitiliana an’ireo handrafitra ny ekipam-pirenena Malagasy hiatrika ny ho tompondakan’i Afrika sokajy “jeune” (15,16,17 taona) hotontosaina any Algerie amin’ity taona ity ihany koa ny hetsika ary hifantenanana ihany koa ireo hiatrika ny Lalao Olimpika “Jeune” ihany koa handraisantsika Malagasy anjara. Efa manomana dieny izao ny Lalaon’ny nosy 2019 ihany koa isika Malagasy. Nisondina kosa, hoy izy, ny fampiharana an’ireo lalàna vaovao eo amin’ity taranja ity ankehitriny toy ny “double hensekumake”, ny fiverenana 0 ny Global score, ny fandresena Garde unilateral, ny sortie tatami” ... Tokony ho fantatry ny mpilalao, ny mpanazatra, ny mpitsara sy ireo raiamandreny ny amin’izany mba tsy hampifanditra indray any aoriana, hoy ity DTN ity.

Ntsoavina Evariste