Sport

Judo � Tompondakan�i Afrika Nisalotra medaly alimo i Asaramanitra ary tafita ho any Rio

Sport
Alatsinainy 27 Aprily 2015

Nanamafy ny fahazoan-dRatiarison Asaramanitra ny tapakila hiatrehany ny Lalao olimpikan�i Rio 2016 ny nahazoany medaly alimo tamin�ny andiany fah-36 amin�ny fiadiana ny tompondakan�i Afrika natao ny faran�ny herinandro teo tany Libreville Gabon

. Ilay gineana Lima Taciana no tompondaka tamin’ny sokajy -48kg io ary ilay kameroney Bata Phiomene kosa no nahazo ny medaly volafotsy. Lah-7 kosa i Valerie Andriatiana Brenda tamin’ny sokajy -57kg vehivavy ary lah-9 Ratsimiziva Fetra tamin’ny sokajy -81kg lehilahy. Tany amin’ny lah-12 tamin’ireo firenena 25 niatrika io fifaninanana kaontinantaly io no nisy an’i Madagasikara. Araka ny filaharana aty Afrika nivoaka ny 26 aprily teo dia lah-1 Asaramanitra amin’ny sokajy misy azy manana isa 122 ary fah-2 ilay kameroney Bata Phil manana isa 120. Niakatra lapihazo hatrany izany i Asara tao anatin’ny telo taona izao, nisalotra medaly alimo dia tamin’ny fiadiana ny tompondakan’i Afrika 2013 sy 2014 ary 2015 niampy ny Africa Open 2014 tany Maorisy.

Rasanda Serge