John Baggio Rakotonomenjanahary

Manahirana ireo mpilalao ao Thailand

Sport
Talata 09 Aprily 2024

Azo lazaina ho isan’ireo lohalaharana sangany ary tena manahirana ireo mpilalao ao Thailand

amin’izao fotoana izao ilay mpanafika malagasy, John Baggio Rakotonomenjanahary. Ny Revo Thai league, izay fifaninanam-pirenena lehibe indrindra eo amin’ny taranja baolina kitra ao an-toerana moa eto no resaka. Na dia mbola aty amin’ny laharana faha 9 aza amin’izao fotoana izao ny Sukhothai FC izay misy an’i Baggio dia azo ambara ho mbola isan’ireo mamiratra ao anaty fifaninanana hatrany ity lohalaharana malagasy ity ary manakoako ao an-toerana hatrany ny anarany amin’ny lalao rehetra izay atrehiny. Mbola namono ny baolina faharoa indray izy nanoloana ny Nakhon Pathom United ny alahady teo ary nandresy tamin’ny isa 3 noho 1.
J. Mirija