Sport

Jimmy Simouri Mbola maniry handrafitra ny Barea

Sport
Alakamisy 13 Aogositra 2020

Azo lazaina ho mamiratra ao anatin’ny fifaninanana reunioney eo amin’ny taranja baolina kitra, divizionina voalohany, ankehitriny ny lohalaharana Malagasy, Jimmy

Simouri, izay milalao ao amin’ny SDFC na Saint Denis Football Club. 31 taona ny lehilahy ankehitriny ary azo lazaina ho mifanatsahana ihany ny haben’ny vatana sy ny halavana satria mirefy 1,69 metatra ary milanja 60 kilao. Isan’ireo novolavolain’ny Akademia Ny Antsika ary mpilalaon’ny CNaPS sport moa izy farany teo nialohan’ny nilany ravinahitra atsy amin’ity nosy rahavavy ity. Mampiavaka azy ny fahaizany mandrindra tolotra no sady mamono baolina, hoy ireo mpanao gazety Renioney, ary tsy nanafina ny hetahetany mbola handrafitra ny ekipam-pirenena Malagasy na ny Barea moa ny lehilahy.

J. Mirija