Sport

Partagé sur :
• facebook

Naresaka ny tetsy Mahamasina nandritra ireo roa andro nanaovana ny Jeux Corporatifs nokarakarain’ny Clement Rabary Organisation izay nahitana fandraisan’anjarana orinasa sy fikambanana 41.

 Tompondaka tamin’ny baolina kitra lalaovin’olona 7 ny Adema izay nandresy an’ny CUA 3-1 taorian’ny ‘tirs au but’ raha nisaraka tsy nisy nitoko ny roa tonta hatreo amin’ny fe-potoana ara-dalàna. Lasan’ny Jovenna ny baskety rehefa nandresy an’ny Air Mad 25-17 izy ireo. Nandrombaka ny volley ny Soltec izay nampiondrika an’ny Tahirimbolam-panjakana 31-25. Vokatra tamin’ny tsipy kanetibe, lasan-dRandrianarisaona Faniry sy Andrianaranjaka Voahangy (Institut Pasteur) ny olon-droa vehivavy ka resiny tamin’ny famaranana Andriantiana Laingoniaina sy Hantanirina Marie Claire Aimee (Tahirimbolampanjakana ). Nahazo ny olontelo lehilahy kosa Rateloson Ny Aina Andry sy Rakotomalala Alain Bruno ary Rabialahy Neda Andre (CUA) izay nandavo an-dRabenanivo Yves Michel, Rajaonarinelina Brice ary Rakotomanga Toussaint (Jirama). Ho an’ny tenisy dia lasan-dRafaliarisoanavalona Kanto (Air Mad) ny sokajy vehivavy rehefa nandavo an-dRatrimosoa Miora (BOA) 7-2. Tompondakan’ny sokajy lehilahy -45 taona kosa i Ejazz Wasram (Sipromad) izay nanilika an-dRandrianirina Claude (Jovenna) 7-1. Ratianaharimanana Miharisoa (Air Mad) kosa nandavo an’Andriamparany Ratsimbazafy (Air Mad) 4-2 ho an’ny lehilahy +45 taona. Nandrombaka fanindroany ny lalao karatra kosa ny Sofitrans tamin’ny alalan’i Mampihavana Jean Olivier sy Andrianambotrima Dina Michel rehefa  nandresy an-dRakotondramasy Marcel sy Rafanomezantsoa Solofoniaina (Madarail) 257-115.

Rasanda Serge

Tia Tanindrazana

Samia mijoro ho an'i Gasikara.