Sport

Jeunes Sport Events Hikarakara ny « IN-SOCCER Inter-Institut » andiany 1

Sport
Zoma 22 Martsa 2019

Ho fitarihana ny tanora mpianatra hanao sy ho tia spaoro dia hikarakara ny hetsika baolina kitra « In-Soccer Inter- Institut » andiany voalohany ny fikambanana « Jeunes Sport Events »

tarihan’ny filohany sady mpanorina azy, Vania Andridamisa. Lalao izay ho tanterahina etsy amin’ny kianjan’i Mahamasina ny alatsinainy 25 martsa ka hatramin’ny alahady 31 martsa 2019 izao. Natao indrindra mba hanampiana an’ireo zaza sahirana sy zaza kamboty hahazoan’izy ireo hioitra amin’ny fiainana ny hetsika. Ivon-toerana fampianarana ambony miisa 14 no handray anjara amin’ny fifaninana (Polytech Vontovorona, Ift, Ium, Eccma, Ispm, E-Media, Agro Essa, Degs, Uprim, Commo Lettres, Ism Advancia, Escam, U Fjkm Ravelojaona, Estiim). Mpanohana ofisialy kosa ny RDJ ary mpiara-miombon’antoka ny Big, Top Radio, Radio Mada ary ny Tiko.

Ntsoavina Evariste