Sport

Jeremy Morel sy ny FC Lorient Vita ny fifanarahana

Sport
Alarobia 10 Jona 2020

Ofisialy fa dia miisa 2 izany manomboka izao ny Barea miara-milalao ao amin’ny klioba frantsay divizionina voalohany, ao Lorient ao.

Tontosa omaly ny fifanarahana teo amin’ny klioban’ny FC Lorient sy ilay mpilalao malagasy 35 taona, Jeremy Morel. Amin-kafaliana lehibe, hoy izy, no hiverenako hilalao indray eto anivon’ity klioba izay nanabe ahy teo amin’ny tontolon’ny baolina kitra ity. Marihina moa fa tao amin’ny FC Lorient no namolavola azy nialohan’ny nifindrany tamina klioba hafa. Ankehitriny ny tenany dia tafaray amin’ilay vodilaharana malagasy malaza, Thomas Fontaine, izay samy eo anivon’ny ekipam-pirenena malagasin’ny baolina kitra.

J. Mirija