Sport

Jean Michel Cavalli mpanazatra an’i Niger « Hiady mafy hahatsara ny laharanay izahay »

Sport
Talata 30 Martsa 2021

« Ilaina ny vokatra tsara hiakarana amin'ny laharana FIFA ka ahafahana mahazo toerana tsara rehefa misy antsapaka.

Izay no anton-dianay. Anaty fivoarana izahay ato amin'ny ekipan'i Niger nanomboka tamin'ny nandraisako ito ekipa ito izay natomboko tamin'ny fandresena. Manantena hanao zavatra tsara izahay amin'ny fifanintsanan'ny Lalao eran-tany 2022”, io no nambaran’ny Mpanazatra an’I Niger Jean Michel Cavalli omaly nandritra ny valan-dresaka ho an’ny mpanao gazety. Tsy tonga hitsangatsangana araka izany ny ekipam-pirenen’i Niger, fa hiady mafy hitady fandresena. Izy ireo izay efa mamita lalao satria tsy manana herijika hiakarana any amin’ny dingana famaranan’ny CAN 2022 any Cameroun intsony, raha toa ka mbola manana herijika kely kosa ny Barean’i Madagasikara.

Toky R