Sport

Jean Ignace Randrianirina (Ramasy) “Mampanahy ny ho avin’ny kitra Malagasy”

Sport
Talata 02 Oktobra 2018

Miisa 9 ireo maniry ho filoha vaovaon’ny federasionin’ny baolina kitra Malagasy na ny FMF amin’izao fotoana, hoy ny filohan’ny fikambanana K2HB, Jean Ignace Randrianirina na Ramasy.

Izahay efa nanambara foana, hoy izy, fa tsy mety ny hanaovana fifidianana an-tenantenana fotoam-piasana toy izao satria tsy manaraka ny tetiandro olimpika. Amin’ny taona 2020 no mety. Ireo kandida ireo samy mihevitra azy ho zanaky ny filohan’ny kaonfederasionina afrikanina na ny CAF, Ahmad Ahmad, daholo. Nanantena fa ho arovany kanjo io ary fa nilatsaka ny sazy, hoy ny tenany. Ny komity mpikarakara fifidianana lazaina fa niova ny olona kanefa ny fomba fanao amin’ny fikarakarana toy ny hatramin’izay ihany. Ireo samy milaza azy ho zanak’i Dada ireo (TTF: zanak’i Ahmad) ary, hoy izy, ahoana raha tsy lany? Mampanahy, hoy ny tenany, ny ho avin’ny kitra Malagasy.

J. Mirija