Sport

JAJ 2018 any Alger Nitranga ny nampoizina hatreto

Sport
Talata 24 Jolay 2018

Nitranga ny efa nampoizina aty amin’ny andro faha-5 hanatanterahana ny fifaninanana “Jeux Africain de la Jeunesse” andiany faha-3 tontosaina any Alger hatramin’ny 18 jolay lasa teo ka hifarana ny 28 jolay 2018 fa tsy dia antenaina

hitondra vokatra inona loatra ny delegasiona Malagasy izay tsy ahitana afa-tsy atleta miisa 27 mifaninana ao anatin’ireo atleta 3000 avy amin’ny firenena Afrikanina 26 mandray anjara sy tsy miatrika afa-sy taranja 11 monja amin’ny 27 misy.

Faha-18 no laharana misy an’i Madagasikara nahazo medaly 3 (volafotsy 1 sy alimo 3) ka firenena 9 amin’ireo 26 mandray anjara no aorinany. I Egypta manana medaly 86 (volamena 49, volafotsy 20, alimo 17) no mitana ny laharana voalohany. Algerie mpampiantrano no faharoa medaly 76 (volamena 20, volafotsy 24, alimo 32). Fahatelo i Nigeria medaly 37 (volamena 13, volafotsy 9, alimo 15).

Ntsoavina Evariste