Sport

Partagé sur :
• facebook

Feno 70 taona katroka amin’ity 2018 ity ny FIHEZAMA “FItaizana ny HErin’ny ZAtovo Malagasy” izay manana tanjona fitaizana ny tanora Malagasy ara-batana sy ara-panahy ao anatin’ny fampiharana izany ao anatin’ny kolontsaina sy fanatanjahantena.

Ny taona 1948 tamin’ny andron’ny fanjanahantany no tonga teto Madagasikara ny Fihezama nentin’ny Fihezama Frantsay ka lasa Fihezama Malagasy taty aorinan’ny niverenan’ny fahaleovantena vao nivadika ho Fas ary niverina ho Fihezama indray. Raha natomboka tamin’ny fiarahana nisakafo sy fizarana ny “gâteaux d’anniversaire” tamin’ny 03 jona 2018 lasa teo ny fanamarihana an’ity tsingerin-taona faha-70 ity dia nambaran’ny filohan’ny komitin’ny fankalazana an’io faha-70 taona io, Randretsa Fidinirina, notronin’ny filoha sy mpandrindra jeneraly,  Rakotobe Solomampianina sy Randremampionona Joseph, tetsy Analakely tamin’ny talata teo fa homarihina amin’ny fanatanterahana “Festival” hotontosaina etsy amin’ny Lapan’ny fanatanjahantena Mahamasina ny zoma 10 aogositra izao kosa ny ivon’ny fanamarihana. Handray anjara amin’ny fampisehoam-pahaizana amin’izany ireo “disciplines” miisa 44 ao anatin’ity rafitra ity ankehitriny ary hahitana ny solontenan’ny avy any amin’ny Faritra maro eto Madagasikara, hisy ihany koa ny hirahira hataon’ny “Chorale Fihezama” amin’izany. Ny 28 sy 29 septambra 2018 no hamaranana ny fankalazana miaraka amin’ny delegasion’ny Ficep sy Fsf “Federation Sportive de France” avy any ivelany. Hisy amin’izay ny fizarana “Trophées” sy Medaly ary mari-pankasitrahana samihafa ho an’izay sahaza azy.

Ntsoavina Evariste

Tia Tanindrazana

Samia mijoro ho an'i Gasikara.