Sport

Ibrahim Amada Miha matotra filalao hatrany

Sport
Alakamisy 10 Septambra 2020

Voatanan’ny Al Khor sport club misy an-dry Ibrahim Amada ady sahala 0 noho 0 tao an-jaridainany ny UMM Salal ny talata teo nandritry ny andro fahatelo ho amin’ny fiadiana ny amboaran’i Qatar eo amin’ny taranja baolina kitra na ny

Qatar stars league. Hita ho miha matotra filalao sy ao amin’ny tanjany tanteraka ity mpilalao Malagasy 30 taona ity, raha ny hita tao anatin’ny lalao 2 farany natrehan’izy ireo. Sady angovo no tekinika, hoy ny mpandinika ireo mpilalao. Tsetsatsetsa tsy aritra no ilazana fa miroso tanteraka amin’ny andro mafana amin’izao fotoana izao ny ao amin’ity firenena kely matanjaka ara-tsolika sy tsy misy mponina afa-tsy manodidina ny 200.000 isa ity saingy na dia mora mitaky aza ny harerahana, indrindra, ho an’ireo mpanao fanatanjahantena dia tsikaritra ho efa miha zatra izany tanteraka kosa ity Malagasy izay efa azo antoka fa ho isan’ireo solontena Malagasy hijanona ao an-toerana mandritry ny amboara eran-tany 2022 ity. Izy rahateo izay efa nilaza fa maniry hiaraka amin’ny Barea any amin’izany. Tsara ny mampahatsiahy fa I Voavy Paulin dia efa mpilalaon’ny El Makasa, ao Egipta talohan’ny CAN 2019 ka inoana fa anjaran’i Ibra indray izany izao no manomana ny kianja ho vantanin’ny Barea ao Qatar amin’ny 2022.

J. Mirija