Hiady mafy ny Barea anio

Isan’ireo 4 mendrika indrindra anatin’ny CHAN i Toldo

Sport
Zoma 22 Aogositra 2025

Andrasana fatratra ny lalaon’ny Barea sy ny ekipam-pirenen’i Kenya

anio 22 aogositra amin’ny 5ora hariva, izay andrandraina sy hirariana mba hivoaka mpandresy hatrany ny ekipam-pirenentsika na heverina ho isan’ny maozatra aza ny mpifanandrina. Tsy misy azo hamaivanina ny ezaky ny mpilalao rehetra, saingy nisongadina ny mpandry haratontsika, ka hirariana ny fahombiazany. Isan’ireo mpilalao miisa 4 mendrika indrindra ao anatin’ny tompondakan’i Afrika eo amin’ny taranja baolina kitra na CHAN 2025 hatreto ny mpiandry tsatoby malagasy, Michel Ramandimbisoa na Toldo, raha ny fampilaharana voaray avy amin’ny kaonfederasionina afrikanina na ny CAF hatreto. Ilay sodaney, Abdelrazig Omer, no nahazo ny naoty ambony indrindra, 7,83. Mohamed Rabie Hrimat, maraokanina, no faharoa. Manana isa 7,70. Mitovy kosa ny naotin’ilay kaongoley, Efonge Brudel, sy ny malagasy, Toldo, 7,68, ary samy mitana ny laharana faha 3, raha ny fampitàm-baovao hatrany.
Nangonin’i J. Mirija