Sport

Hery Bastien Tsy voaantso Barea intsony

Sport
Zoma 05 Martsa 2021

Somary nampametra-panontaniana maro ireo mpanaraka ny kitra Malagasy ihany ny tsy

nahitana ny anaran’i Hery Bastien omaly tao anatin’ny lisitr’ireo 29 mirahalahy voaantso hiatrika ny fampivondronana ny ekipam-pirenena malagasin’ny baolina kitra hiomana amin’ny fihaonana amin’ny ekipam-pirenen’i Etiopia sy Niger ny 27 sy 30 martsa izao. Fa inona no antony? Ity laharana faha 10n’ny Barea farany teo ity ve, sanatria, no ilay mpilalao voalaza ho tonga amin’ny fitenin’ny tanora hoe “nanontsana” ny mpanazatra, Nicolas Dupuis, tamina gazety vahiny iray ary nilaza fa marina avokoa ireo nambaran’ilay mpamakafaka frantsay, Romain Molina? Ity mpamakafaka ity moa izay marihina hatrany fa nilaza ny mpanazatra ny ekipam-pirenena Malagasy ho manao kolikoly amin’ireo mpilalao izay maniry hanatevin-daharana ny ekipam-pirenena hatrany. Misy idiran’izay ve anefa no antony tsy niantsoan’i Dupuis an’i Bastien? Ho hita eo ny tohiny fa ny irariana aloha dia mba hahatafakatra antsika fanindroany any amin’ny tompondakan’I Afrika indray izy 29 mirahalahy voafantina omaly ireto.

J. Mirija