Sport

Hazakazaka manani-bohitra Hotontosaina rahampitso 29 jona ny andiany faha-2

Sport
Zoma 28 Jona 2019

Hotanterahina rahampitso 29 jona 2019 ny andiany faha-2 amin’ny hazakazaka manani-bohitra hampitohy ny kianjan’Alarobia Antananarivo sy ny tanànan’Ambohimanga mandalo ny digin’i Laniera sy ny tendrombohitra Rakotomaditra.

Ahitana hazakazaka 42 km sy 21 km izy io izay handraisan’ireo mpifaninana mihoatra ny 18 taona anjara, ny hazakazaka 10 km natokana ho an’ny fianakaviana ary ny hazakazaka 4km natokana ho an’ny ankizy latsaky ny 15 taona. Nomarihan’Atoa Rasoloarison Njaka Tsirofo filohan’ny fikambanana manani-bohitra izay tompon’andraikitra voalohany amin’ny hetsika tamin’ny fitafatafana tamin’ny mpanao gazety teny Ankorondrano, tamin’ny 21 jona lasa teo, fa hatao fifaninanana manokana mihitsy manomboka izao ity manani-bohitra ity fa tsy natao ho fanomanana ny hetsika Utop fotsiny toy ny tamin’ny taon-dasa. Tomombana tsara ny fikarakarana miaraka amin’ireo mpiara-miombon’antoka tarihan’ny Telma ka mpifaninana hatrany amin’ny 500 isa no handrasana handray anjara.

Ntsoavina Evariste