Sport

Hazakazaka ara-panatanjahantena Nahavory olona mihoatra ny 3.000 ny fiangonana advantista

Sport
Alakamisy 02 Mey 2019

Tontosa soa aman-tsara omaly alarobia fiandohan’ny volana mey, nankalazana ny andro iraisam-pirenena ho an’ny asa ilay hazakazaka fanantenana nokarakarain’ny fiangonana advantista tetsy Mahamasina.

Olona mihoatra ny 3.000 no tonga nandray anjara tamin’izany. Ankoatra ireo efa mpandray anjara amin’ny hazakazaka lavitr’ezaka dia marobe ihany koa ireo olon-tsotra nandray anjara. Tanjon’ny mpikarakara ny hananan’ny Malagasy mpiray tanindrazana rehetra fahasalamana hahafahana miady amin’ny aretina diabeta, ny tosidra, ny rarin-tsaina izay mamely ny ankamaroan’ny maro. Lalana mirefy 5km sy 10 km no nataon’ireo mpandray anjara, izay samy nahitana vehivavy avokoa ary tena tonga marobe. Mbola nahatratra 500 ireo nisoratra anarana teny an-toerana omaly. Hitohy amin’ny fizaham-pahasalamana faobe ny hetsika hataon’ity fiangonana ity ny 13 sy ny 14 mey ho avy izao eny amin’ny Parvis hotel Analakely.

Pati