Sport

Hazakazaka am-bisikileta sy dia an-tongotra Hotanterahina ny 12 sy 13 mey ho avy izao ny Mbike

Sport
Talata 08 Mey 2018

Hotanterahina ny 12 sy ny 13 mey ho avy izao indray ny andiany fahatelo amin’ilay hazakazaka am-bisikileta sy dia an-tongotra iraisam-pirenena na ny Mbike Madagascar eo anelanelan’Ambohimanambola sy Mantasoa.

Hasaina handray anjara avokoa ny rehetra, indrindra ireo te hanatanja-batana. Amin’ny ankapobeny, manasitrana aretina maro ny dia an-tongotra toy ny diabeta, ny tosidra… noho izy manatsara ny fikorinan’ny ra ao anatiny. Hanohana akaiky ny hetsika ny orinasa Star amin’ny alalan’ireo karazana zava-pisotro nahafantarana azy toy ny Eau Vive….Karazana fitsangantsangana sy fialamboly no hamaranana izany ao Mantasoa satria dia hisy ny fanentanana sy lalao maro isan-karazany mety hahazoana loka sy fanomezana marobe. Ho an’ireo mpandray anjara kosa dia hisy ny loka hozaraina ho an’ireo mivoaka ho mpandresy isaky ny sokajy avy.

Pati