Sport

Hand � Challenge trophy U20 : Tsara fanombohana ny zazavavy malagasy

Sport
Alakamisy 21 Janoary 2010

Nanomboka ny Talata teo tao amin�ny kianja mitafon�i Phoenix ao Maorisy ilay fifaninanana iraisam-pirenena, Challenge trophy, ho an�ny sokajy latsaky ny 20 taona.

Tsara fanombohana ny zazavavy malagasy tamin’ny andro voalohany, nandresy mazava ny maorisianina tamin’ny isa 25-9. Hatreo am-pialan-tsasatra ny ekipan-dRamiandrasoa Seta no efa nitarika mazava 12-4. Tombony ho antsika Malagasy ny fanaovana fanafihana sy valim-panafihana haingana. Teo amin’ny fihaonana hafa kosa dia lavon’i Comores 23-14 i Seychelles.
Teo amin’ny sokajy zazalahy indray dia resin’ny maorisianina tamin’ny isa 37-25 ny zazalahy malagasy. Niady tokoa ny lalao satria mbola isika Malagasy aza no nitarika 12-10 teo am-pialan-tsasatra, saingy vao nandeha kely ny fizaram-potoana faharoa dia efa nitarika 18-12 indray ny mpampiantrano. Nahery vaika tokoa ny fihaonana satria samy nomen’ireo mpitsara seiseloa mirahalahy nitantana ny lalao karatra mena ny mpilalao iray avy andaniny sy ankilany, ka i Florido Labbe no nahazo izany ho an’ny Malagasy. Nisy tapaka rantsan-tanana mihitsy moa ny mpilalao maorisianina iray. Ny vokatry ny lalao iray kosa dia resin’i Seychelles tamin’ny isa 27-17 i Comores. Marihina fa ireo ekipa roa voalohany amin’ireo efatra miatrika ny fifaninanana zazalahy sy zazavavy avy no hiady ny famaranana ny Sabotsy izao.
Hery Rabe