Sport

Hand-ball Séniors Ny Thbc vehivavy sy Assm lehilahy no tompondaka 2019

Sport
Alatsinainy 16 Desambra 2019

Tontosa omaly alahady 15 desambra 2019 tetsy amin’ny lapan’ny fanatanjahantena sy kolontsaina Mahamasina ireo lalao famaranana lalao hand-ball fiadiana ny ho tompondakan’i Madagasikara sokajy Séniors.

Nahavita ny valin’adiny ny ekipan’ny St Michel Amparibe raha nandresy ny Cosfa 1 Analamanga 32-29 ka voahosotra ho tompondakan’i Madagasikara 2019 sokajy lehilahy. Nahatazona ny anaram-boninahitra azony tamin’ny taon-dasa kosa ny vehivavin’ny Thbc Analamanga rehefa nandresy an’ny Hbci Ihorombe tamin’ny 30-18. Hbca Analamanga no nitana ny laharana faha-3 teo amin’ny sokajy vehivavy ary ny Cosfa 2 teo amin’ny sokajy vehivavy. Mpilalao mendriky ny fifaninanana i Nicole (Hbci) vehivavy ary i Jhon Price (Assm) lehilahy. Mpiandry harato mendrika indrindra i Lolou (Assm) lehilahy sy Nosy (Thbc). Notolorana ny amboaran’ny “Fair-play” kosa ny ekipa lehilahin’ny SMI Itaosy. Nanokanana 1 mn fahanginana kosa ireo nodimandry nahavita be teo amin’ny sehatry ny hand-ball toa an’i Mohamed Saleh, Rasendra Jean, Ralaiavy Armand ary Rajaonarivelo Monique.

Ntsoavina Evariste