Sport

Hand-ball Fifanintsanana « IHF TROPHY » Nampiarahana amin’ny “Zône 6” i Madagasikara sy Seychelles

Sport
Alatsinainy 03 Jona 2019

Satria tsy mandray anjara i Comores sy Maurice izay “forfait” ao anatin’ny “Zône 7” aty Afrika eo amin’ny taranja Hand-ball izay misy an’i Madagasikara,

dia nampiarahana amin’ny “Zône 6” miaraka amin’i Lesotho, Zimbabwe, Mozambique, Afrique du Sud, Namibie, Malawi ary i Zambie i Madagasikara sy Seychelles ka hifanintsana any Lusaka Zambie manomboka amin’ny 11 ka hatramin’ny 16 jolay 2019 ho avy izao hahitana izay ho tafita hiatrika ny fifaninanana “IHF (International Hand-ball Federation) TROPHY” 2019 sokajy Cadette U 18 sy Junior vehivavy U 20.

Nanomboka tamin’ny 15 mey 2019 teo ka hatramin’ny 09 jona ho avy izao fotoana hiaingan’izy ireo ho any Lusaka Zambie no niatrika ny fampivondronana faha-3 nataony ny U 18 sy U 20 vehivavy Malagasy ahitana mpilalao 14 avy ka tamin’ny sabotsy 01 sy alahady 02 jona teo dia teny amin’ny Ceg Ambohipo no nanaovan’izy ireo fanazarantena matotra niaraka tamin’ireo mpanazatra 4 mirahalahy (Eric, Patrick, Tsilavina ary Lovasoa).

Ntsoavina Evariste