Sport

Hand-ball CCOI 2018 Hangotraka ireo lalao famaranana anio sabotsy

Sport
Sabotsy 01 Desambra 2018

Ireo lalao famaranana roa eo amin’ny sokajy lahy sy vavy no hamarana tanteraka ny fifaninanana CCOI Hand-ball 2018

notontosaina nandritra ny herinandro katroka tetsy amin’ny Lapan’ny Fanatanjahantena sy kolontsaina Mahamasina. Marihana fa araka ny fitsipika narahana tamin’ity fifaninanana ity dia ireo ekipa roa voalohany avy isam-bondrona tamin’ny sokajy lahy sy vavy no hihaona amin’ny famaranana.

(V) 15:00- Tamponnaise (La Réunion) # Thbc (Madagascar)

(L) 16:30- Asc Tsingony (Mayotte) # Château Morange (La Réunion)

Marihana fa teo amin’ny « Préau » fidirana ao amin’ity Lapa ity hatramin’ny alatsinainy 26 novambra teo, andro faha-3 ny CCOI Hand-ball 2018, dia nisy ny varotra fampirantiana ny taozavatra Malagasy nampahafantaran-dRtoa Lalaina mpivarotra isan’andro eny amin’ny « Arts Malagasy » sampanana Ambohitrimanjaka an’ireo vahiny ny vokatra Malagasy azo atao voandalana sy fahatsiarovana. Matetika mantsy, hoy izy, rehefa vita ny lalao tahaka izao dia tonga dia lasa mody any aminy tsy mba nitondra fahatsiarovana avy aty Madagasikara akory ireo mpilalao vahiny nandray anjara.

Ntsoavina Evariste