Hakim Abdallah sy ny kliobany vaovao

Nisy horaisina ny fiakarana kianja voalohany

Sport
Alarobia 30 Jolay 2025

Herinandro izay no nifindràn’ilay lohalaharana malagasy, Hakim Abdallah,

tao amin’ny UTA Arad, divizionina voalohany ao Roumanie eo amin’ny taranja baolina kitra. Tao an-toerana ihany koa moa izy talohan’izao, niaraka amin’ny Dinamo Bucarest, klioba azo lazaina ho isan’ny matanjaka indrindra ao an-toerana. Azo lazaina ho nisy noraisina ihany kosa ny fiakarana kianja voalohan’i Hakim, raha ny fampitàm-baovao voaray omaly. Nahavita nanome tolotra tsy azo ivalozana iray ka nampikobana ny araton’ny mpifanandrina izy aloha teto. Mirary ity laharana faha 9 malagasy ity hamokatra tsaratsara kokoa hatrany, araka izany. Hatramin’ny 2027 no faharetan’ny fifanarahany amin’ity kliobany vaovao ity, raha ny fampitàm-baovao voaray hatrany.
Nangonin’i J. Mirija