Sport

Gros, Zotsara, Melvin, Ramalingom Tsy milalao ao anatin’ny N2 hatramin’ny 01 desambra

Sport
Alatsinainy 02 Novambra 2020

Mpilalao Malagasy 4 ao anatin’ny fifaninanan’ny N2 any Frantsa no isan’ireo tsy afa-milalao nanomboka ny 29 oktobra hatramin’ny 01 desambra noho ny fampiatoan’ny Federasionin’ny kitra Frantsay ny fifaninan’ny ligy,

distrika, fifaninana nasionaly N3, N2, D2 ho an’ny vehivavy, ny amboaran’i Frantsa ho an’ny sokajy lehilahy sy vehivavy, ny fiadiana ny tompondakam-pirenena ho an’ny sokajy tanora. Melvin Adrien mpilalaon’ny Martigues FC, Alexandre Ramalingom (CS Sesan Ardennes), ary Zotsara Randriambololona sy William Gros izay samy mpilalaon’ny FC Fleury 91 ireo mpilalao Malagasy voakasika ireo. Marihina fa samy voahantso amin’ny lalao in-droa miantoana hifanaovana amin’i Côte d’Ivoire avokoa izy 4 mirahalahy ireo. Isan’ny olana ho an’ny Barean’i Madagasikara ny fihibohana any Frantsa, izay mety tsy hahafahan’ny mpilalao 17 milalao.

Toky R