GREGAS SY TONY BAREA

Notoloran'ny kaominina Ampitatafika mari-pankasitrahana

Sport
Alatsinainy 15 Septambra 2025

Notsenain'ny Kaominina Ampitatafika, distrikan'Atsimondrano

tamin'ny fomba manetriketrika afak'omaly Sabotsy 13 Septambra folakandro i Gregas sy Tony, mpilalaon'ny ekipam-pirenena Barea nandray anjara tamin' ny CHAN 2025. Niainga teo Antandrokomby ny fitsenana ka hatreny amin'ny tanimenabe Ampitatafika nanaovana ny lanonana. Nambaran'ny lefitra faharoan'ny Ben'ny tananan'Ampitatafika fa voninahitra ho an'ity kaominina ity sy i Madagasikara ary Afrika iray manontolo mihitsy ny fananana azy roalahy ireto, antony nanolorany mari-pankasitrahana sy lelavola ho azy ireo. Tao anatin'ny hafaliana tanteraka noho izany no nandraisana azy roalahy ireto izay tsy nanadino ireo tanora tovolahy mpitia baolina kitra eto amintsika. Tsy misy afa-tsy ny finiavana sy ny fitiavana ary ny fandavantena ihany hoy izy ireo no lalana hahatongavana amin'ny fahombiazana iainany tahaka izao fa tsy misy ny kisendrasendra.
Pati
Légende : Izy roalahy mpilalaon'ny Barea notronin'ny lefitra faharoan'ny Ben'ny tanana !