Sport

Golf � BNI Ringer score faha-11 : Hiroso amin�ny dingana faharoa ny Alahady izao

Sport
Alakamisy 21 Janoary 2010

Mifanesy ary mitohy hatrany ireo fifaninanana samihafa eny amin�ny Golf club du Rova Andakana. Lasa ny Telma racing championship dia misosoka indray ny BNI Ringer score izay efa miditra amin�ny andiany faha-11.

Tsiahivina fa misy dingana (tour) folo amin’ity fifaninanana faharoa ity izay efa hiroso amin’ny tour 2 ny Alahady izao. Ny 13 desambra teo no nanatontosana ny dingana voalohany, ka nahazo ny teo amin’ny sokajy lehilahy Randriamanana Ny Kiady ary i Noyon Monique kosa ny teo amin’ny vehivavy. Raha tsiahivina ny vokatra dia isa 76 no naha laharana voalohany an’i Ny Kiady teo amin’ny lehilahy, faharoa Ratsimbazafy Luc (85) ary fahatelo i Morizot Michel (85). Tsy nandray anjara kosa ireo sangany toa an-dRaveloarison Theodore sy Rabetsaroana Sylvain. Vokatra teo amin’ny andriambavilanitra indray, laharana voalohany i Noyon Monique (89), faharoa Ratsimbazafy Hanitra (91) ary fahatelo i Viard Valerie (92). Raikitra indray izany ny Ringer score izay hisy dingana iray isam-bolana ary tsy hifarana tanteraka raha tsy any amin’ny volana novambra any. Rabetsaroana Sylvain sy Ony Marchand moa no nandrombaka ny anaram-boninahitra tamin’ny andiany faha-10 tamin’ny taona lasa iny.

Hery Rabe