Sport

�Futsal Show� Ny �Logistique P�troli�re� no nibata ny fandresena

Sport
Alatsinainy 19 Aprily 2010

Isa 4 no 1 no nandresen’ny «Logistique Pétrolière» ny ekipan’ny Jovenna nandritra ny lalao baolina kitra «Futsal show», izay lalaon’olona 5 nokarakarain’ny Tsanta Pro. Natao ity fifaninanana ity, hoy ny fanazavan’ny mpikarakara, mba isian’ny fifandraisana eo amin’ireo mpiasan’ny orinasa. Andiany faharoa ity notontosaina nandritra ny sabotsy sy alahady lasa teo ity. Ekipa 12 no nandray anjara tamin’ity andiany faharoa ity toy ny AJSM, ny Cabinet MCI, ny Aviation Civile, ny Jovenna, ny «Logistique Pétrolière» sy ireo sisa hafa.
Tanjona amin’izao lalao izao ihany koa ny fanatsarana ny fifanakalozana ara-barotra. Any amin’ny volana aogositra any ho any ny andiany fahatelo. Heverina hitarina any amin’ny faritra hafa ity fifaninanana karakarain’ny Tsanta Pro ity.

Rabe