Sport

FTMRAT Rugby Efa nijery manokana ny teny ambany tanàna

Sport
Alatsinainy 11 Mey 2020

Fantatra izao fa anisan’ireo fikambanana mikarakara hetsika ara-panatanjahantena rugby efa nanatanteraka fanampiana ho an’ireo olona sahirana eny Ambany tanàna ny FMTRAT “Fikambanan’ny Tanora Mpanao Rugby eny Ambany Tanàna” tarihan’ny filohany :

Rakotondrafara Jean Herinaina antsoina hoe Naina Be. Tamin’ny fiandohan’ity volana mey hitsahana ity no nanaovan’ireo an’izany hetsika izany teny Mahamasina ka olona marefo ara-pivelomana nahatratra 1500 isa no samy notolorana vary 3kg sy siramamy 2 kg ary menaka 1 litatra tsirairay avy. Santatra ambavarano amin’izao fiatrehan’ny rehetra ny fepetran’ny fjjanonana an-trano izao izany hetsika izany, hoy i Naina Be, fa mbola hisy ny hetsika manaraka hanohizana azy saingy miankina amin’ny fanampian’ny mpanohana mahazatra azy ireo ihany izany.

Ntsoavina Evariste