Sport

Fosa juniors Fc sy As Berkane Maroc Eny Vontovorona ny lalao mandroso

Sport
Zoma 18 Oktobra 2019

Fantatra izao araka ny nanambaran’ireo tompon’andraikitra ao aminy (Sgs Ando Harivola sy ny mpanazatra Titi Rasoanaivo)

niresaka tamin’ny mpanao gazety teny Andraharo omaly alakamisy 17 oktobra 2019 fa ho tontosaina eny amin’ny kianjan’ny Cnaps eny Vontovorona amin’ny alahady 27 oktobra 2019 ho avy izao ny lalao mandroso eo amin’ny fifaninanana Playoff - Coupe de la Confédération 2019-2020 hifanandrinan’ny Fosa juniors Fc Madagascar sy ny As Berkane avy any Maroc ka hiantsoan’izy ireo ny fanohanana na tana-maron’ny rehetra araka ny filazan’ny mpanao gazety azy izany, miainga amin’ny mpijery tsotra ka hatramin’ny filoham-pirenena tahaka ny natao tamin’ny Barea fa voninahim-pirenena no harovana. Antony 3 mazava no nahatonga ny safidy tsy maintsy natao, hoy ny fanazavana azo, dia voalohany noho ny resaka zotram-piaramanidina tsy misy andro alatsinainy 28 oktobra avy any Mahajanga tokony hitondra ny vahiny hody, faharoa noho ny harerahan’ireo mpilalao maro vao avy niatrika ny Chan tany Namibie ary farany noho ny Fosa efa zatra kianja sentetika. Nampanantena ny hikarakara fandaminana manokana mikasika an’io lalao io ry zareo Fosa na ara-pitaterana, na ara-pidira eny hatramin’ny fitondrana mpijery baolin’i Mahajanga eny Vontovorona.

Ntsoavina Evariste