Sport

« Foot à 7 Tournoi ASTAFIM » Lasan’ny Taureau Namontana ny omby mifahy

Sport
Talata 14 Aogositra 2018

Ny lalao famaranana ho an’ny sokajy U 20 notontosaina tamin’ny alahady 12 aogositra 2018 teny amin’ny kianja Kmfb Ankadivory kaominina Ampanefy no namarana tanteraka ny “Tournoi Foot à 7”

nokarakarain’ny ASTAFIM “ASan’ny Tanora Antoky ny Fampandrosoana Ifotony eto Madagasikara” andiany faha-25 raha efa tontosa avokoa ny an’ny sokajy U 10, U13, U15 ary U17. Lasan’ny ekipan’ny Taureau Namontana ny omby mifahy natao amboara tamin’izany rehefa resiny tamin’ny 1-0 ny ekipan’ny Fc Andranomena izay notolorana ondry. Efa tamin’ny septambra 2017 no nanomboka ity fifaninanana ity izao nifarana tamin’ny alahady izao. Nambaran’Atoa Ramamonjisoa Fulgence filoha nasionalin’ny ASTAFIM fa ny fampiraisana hina ny tanoran’Antananarivo-Renivohitra sy ny kaominina manodidina, Avaradrano, Atsimondrano no tanjona tamin’ity fifaninanana ity. Nisy ny fifaninanana dihy ho an’ny tanora natao nialoha ity lalao famaranana ity.

Ntsoavina Evariste