Sport

Fomba fiasan’ny minisitra Tinoka Roberto Milaza ny heviny ny tontolon’ny spaoro Malagasy

Sport
Alarobia 06 Martsa 2019

Saika nitovitovy hatrany ny valim-panontaniana nomen’ireo izay nanontaniana ny mikasika ny fahitan’izy ireo ny minisitry ny fanatanjahantena Malagasy,

Tinoka Roberto sy ny fomba fiasany izay nilaza fa tanora mihetsiketsika izy ary vonona hanao zavatra hampandrosoana an’ity sehatra ity.

Solofo Barijaona Andrianavomanana : Tanora ary mihetsiketsika fatratra ny minisitra Tinoka Roberto ka mahavelombolo ny hampandrosoany ny spaoro Malagasy.

Norolalao Andriamahazo filohan’ny federasion’ny atletisma Malagasy ; Tsy mbola ampy hitsarana azy ny fotoana nitantanan’ny minisitra an’ity fanatanjahantena Malagasy ity. Izy aloha hatreto dia manatona ifotony an’ireo federasiona sy ireo mpilalao manao fifaninanana ka ho azo antoka ny ho fandrosoan’ny spaoro Malgasy.

Randriamandimby Harinirina Jimmy Désiré tompon’andraikitry ny serasera ao amin’ny FMBB Malagasy ; Mbola vao manomboka miasa ity minisitra ity ka tsy azo tsaraina amin’ny nataony fa ny hita aloha hatreto dia mazoto manotrona ny mpanao spaoro Malagasy izy ary hita vonona hanatanteraka ny vina napetraky ny filoham-pirenena ankehitriny eo amin’ity sehatra ity.

Ntsoavina Evariste