Sport

Fivoriamben’ny FMBB Nankatoavin’ireo ligy 19 ny « activité » 2018

Sport
Alatsinainy 10 Desambra 2018

Tontosa tetsy amin’ny lapan’ny fanatanjahantena Mahamasina tamin’ny zoma 7 sy sabotsy 9 desambra 2018 teo ny AG FMBB « Fivoriamben’ny Federasion’ny taranja basikety Malagasy ».

Ligim-paritry ny basikety 19 amin’ny 21 misy no tonga nanatrika izany izay nanana anjara fitenenana tsirairay avy nialoha ny nankatoavan’izy rehetra ny fanatontosana ny « activité 2018 ». Tapaka sy nolaniana tao anatin’ity fivoriambe 2018 ity koa ireto zavatra manaraka ireto :

- Mihena ho 10 ny ekipa mpandray anjara ny N1A sokajy vehivavy manomboka ny 2020,mbola ho 12 kosa izy ny 2019 ka 5 no ho midina N1B ary 3 no ho miakatra N1A

-15 ka hatramin'ny 20 taona ny salan-taona mandoa ny droit de formation raha 15 ka hatramin'ny 19 izy teo aloha

-Atoa Alain Ramanarivo no lany hisolo toerana ny filoha lefitry ny FMBB raha banga io toerana io nanomboka ny volana jona

-Nosarahana ny fifaninanam-pirenena sokajy veteran sy ny U14 manomboka ny taom-pilalaovana 2019

-Navoaka tamin’io andro io ihany koa ny “Calendrier FMBB 2019” miainga amin’ny fifaninanana “Coupe du Président 2019” ka miafara amin’ny AGO FMBB amin’ny volana desambra 2019.

Ntsoavina Evariste