Sport

Fividianana mpilalao kalaza Handany 515 tapitrisa Euros ny Real de Madrid

Sport
Alatsinainy 06 Mey 2019

Ao anatin’ny famerenana ny herin’ny Klioba Espaniola Real de Madrid ny mpanazatra Zinedine Zidane ankehitriny, ary manomboka miarin-doha. Raraka teo amin’ny ampahavalon-dalana teo amin’ny

“Champion’s league” any Eoropa rehefa nandihizan’ny boaikelin’ny Ajax Amsterdam tamin’ny isa 4-1 tao Santiago Bernabeu ny 6 martsa na nandresy 2-1 aza tamin’ny lalao mandroso. Nanakoako ny vaovao momba ny fiverenan’i Zidane hanazatra ny Real ny 10 martsa 2019 teo rehefa niala tao nanomboka ny 31 mey 2018. Ankehitriny, manodidina ny 515 tapitrisa Euros ny tetibola voalaza fa hividianana mpilalao malaza, toa an’ilay Brezilianina Eder Militao (FC Porto) izay efa vita ny fifanarahana, ilay Belza fanta-daza Eden Hazard (Chelsea) izay anisan’ny fifindrana hanan-tantara, ka raha tsy misy ny fiovana dia ny 12 mey izao no ho fantatra amin’ny fomba ofisialy, ka 100 tapitrisa Euros eo ny sandany. Eo ihany koa ilay mpilalao Serbe Luka Jovic nilalao tao amin’ny Klioba Alema Frankfurt. I Christian Eriksen (Tottenham), Paul Pogba (Manchester United), dia mety ho lasan’ny Real ihany koa.