Sport

Fitsenana ny Barea Handrindra ny fifamoivoizana ny polisim-pirenena

Sport
Sabotsy 13 Jolay 2019

Handray anjara mavitrika amin’ny fandrindrana ny fifamoivoizana mandritra ny fitsenana ny ekipam-pirenena BAREA hotontosaina anio folakandro eny Ivato ny polisim-pirenena.

Efa hatramin’ny omaly izy ireo no niomana, raha ny vaovao azo izay sady hitandro ny filaminana hanomezana voninahitra ireo maherifon’ny Malagasy. Betsaka tokoa mantsy hatramin’ny omaly ireo olona milaza ny ho avy hitsena ny ekipam-pirenena BAREA. Hisy ireo malala-tanana izay hanome maimaimpoana ny fiarany hitateran’olona hiainga avy eny Atsimondrano eny. Hiomana ihany koa ireo mpanao haingon-tava sy mpivarotra kojakoja maro samihafa hanomezana fahafaham-po ireo mpankafy ho avy eny an-toerana. Miantso ny rehetra mba samy ho tony sy hitandro ny filaminana hatrany ny polisim-pirenena ary misaotra sahady tamin’ny fahendrena nasehon’ny tsirairay taloha sy nandritra iny lalaon’ny ekipam-pirenena BAREA natao tany Egypta iny.

Pati