Sport

Fitantanana ny Barean’i Madagasikara Maniry ny hanaovana soniam-pifanarahana i Nicolas Dupuis

Sport
Alarobia 23 Janoary 2019

Na dia eo aza ny fanendrena azy ho « Coach » ny ekipan’ny FC Fleury, Diviziona Nasionaly faha-2 any Frantsa, dia nanambara ny mpanazatra Nicolas Dupuis fa mijanona ho laharam-pahamehana ho azy ny fikarakarana sy fijerena manokana ny Barea Malagasy.

Nohamafisiny fa hiaraka amin’ity ekipam-pirenena Malagasy ity ny tenany amin’ny lalao fifanintsanana amin’ny CAN 2019 hifanandrinana amin’ny ekipan’ny Sénégal amin’ny volana martsa ho avy izao. Etsy an-kilan’izay kosa anefa dia nanaitra ny “Comité de normalisation » izay mitantana ny Federasion’ny Baolina Kitra Malagasy ankehitriny izy ny mba hanaovana sonia fifanarahana mazava amin’ny fitantanany ny Barean’i Madagasikara.

Ntsoavina Evariste