Sport

Fitandroana ny filaminana tetsy Mahamasina “Officiel de Sécurité FIFA” roa no indray nanara-maso omaly

Sport
Alatsinainy 29 Jolay 2019

Nilamina dia nilamina ny fitandroana ny filaminana tetsy amin’ny kianjan’i Mahamasina omaly tamin’ny fihaonanan’ny Barea sy ny Mambas. “Officiel de Sécurité FIFA” roa be izao no indray nanara-maso ny fahatomombanan’izany ka tao Atoa Andriamalazaony Aurélien tompo-mariky ny Sécurité amin’ny FMF eto Madagasikara izay nikarakara ny fandaminana rehetra tamin’ny ankapobeny.

Tamin’ny sabotsy 27 jolay 2019 teo kosa no tonga teto Antananarivo ny “Officiel de Sécurité” iray avy atsy Afrika Atsimo, Atoa David Van Vuuren, notendren’ny FIFA hiara-miasa amin’ny namany avy eto Madagasikara noho ny zava-nisy farany nitranga teo Mahamasina ka namoizana ain’olona maro.

Ntsoavina Evariste