Sport

Firafitry ny Barea amin’ny alahady Tsy maintsy miova

Sport
Alarobia 03 Jolay 2019

Tsy maintsy hiova ny firafitry ny ekipam-pirenena malagasin’ny baolina kitra na Barea raha hiatrika ny ampahavalon-dalan’ny fiadiana izay ho tompondakan’i Afrika atao atsy Ejipta ny alahady izao.

Tsy mahazo milalao mandritry ny fihaonana miisa 2 ny irakiraka afovoany, Marco Ilaimaharitra, satria in-droa nahazo karatra mavo. Ilay vodilaharana, Bapasy na Pascal Razak, koa mbola maratra ary tombanana ho afaka 10 andro taorian’iny fotoana nahavoa azy iny vao tena hiverina amin’ny fahasalamany indray. Ny dikan’izay dia tsy maintsy miova ireo 11 mirahalahy mijoro voalohany eny ambony kianja. Raha ny vaovao farany, mieritreritra ny handahatra avy hatrany an’ilay irakiraka, Rayan Raveloson sy ilay vodilaharana, Mamy Gervais, hanolo azy mirahalahy ireo ny mpanazatra, Nicolas Dupuis.

J. Mirija