Sport

Filohan’ny FIFA Niarahaba manokana ny CNaPS Sport

Sport
Alatsinainy 20 Novambra 2017

Noho ny fahazoan’ny ekipan’ny CNaPS Sport Madagasikara fanin-diminy nisesy ny anaram-boninahitra Tompondakan’i Madagasikara eo amin’ny taranja baolina kitra ary fanineniny hatramin’izay niforonany dia nandefa taratasy fiarahabana an’ity klioba ity avy eny Zurich any Suisse ka nalefany nivantana tany amin’ny filohan’ny FMF am-perinasa,

Andriamiasasoa Doda teny Isoraka, ny filohan’ny FIFA, Gianni Infantino, ny faha-14 novambra 2017 teo. “Hisaorako avokoa ireo rehetra nahatonga izao fandresena izao, hoy izy : ny mpilalao rehetra, ny mpanazatra, ny dokotera sy ny “encadrement technique” ary ireo mpanohana ny ekipa (supporters). Amin’ny anaran’ny fianakaviamben’ny baolina kitra rehetra dia hisaorana manokana ny ekipan’ny CNaPS Sport sy ny FMF nanampy anay nivohy ny “message positive” ny baolina kitra. Mihaino anareo lalandava ny FIFA, hoy ihany ity filohany ity, ary manantena ny hifanatri-tava aminareo tsy ho ela”.

Ntsoavina Evariste