Sport

Filohan’ny Baolina kitra any Menabe Mbola hirotsaka ho fidiana ihany koa

Sport
Alakamisy 23 Novambra 2017

Manoloana ny zava-misy any an-toerana eo amin’ny fikasan’ireo olona tsy nifanerasera firy teo amin’ny taranja baolina kitra no mandrisika ahy mbola hirotsaka ho fidiana indray ho filohan’ny ligin’ny baolina kitra any Menabe izay mbola tantanako ankehitriny ,

hoy Atoa Mamod’Ali Hawel tafaresaka tamin’ny Tia Tanindrazana teto Iarivo; “Tsy ekeko ho viraviraina mihitsy mantsy ny baolina kitra any amin’ny faritra misy anay any, hoy izy, ary mila miezaka izahay any Menabe faefa tamin’ny taona 1968 izany Union de Menabe izan y no nahazo titre nasionaly farany tany aminay na dia ny mpilalaon’i Menabe aza no fototry ny nahazoan’i Madagasikara ny anaram-boninahitra tompondakan’i Afrika tamin’ny beach soccer 2010. Raha ohatra anefa misy olona hanaiky ny hanohy ny ezaka efa natomboko dia vonona ny hanohana azy ny tenako ka hiady mafy amin’izay ny hamitany ny foto-drafitrasam-panatanjahantena aty Menabe indrindra hoan’i Morondava manokana.

Ntsoavina Evarise