Sport

Filohan�ny FIFA, Gianni Infantino Manohana fatratra an�i Ahmad

Sport
Sabotsy 04 Martsa 2017

Kandida tokana mifaninana amin�i Issa Hayatou, filoha am-perinasa, izay efa nitantana ny CAF (Kaonfederasionina Afrikanina momba ny baolina kitra) nandritra ny 28 taona, ary mikendry ny hitantana ity rafitra ambonin�ny baolina kitra ity amin�ny mand� faha-8 indray ny Filohan�ny federasionina malagasin�ny baolina kitra Ahmad Augustin.

Efa avy nanao fampielezan-kevitra tany Harare Zimbabwe niaraka tamin’ireo filohana federasionin’ny baolina kitra any amin’ny faritra Afrika Aostraly iny izy ary nihazo an’i Nigéria avy eo. Manohana azy fatratra ary niara-dia taminy kosa ny filohan’ny Federasionin’ny baolina kitra maneran-tany (FIFA) Gianni Infantino sy ny Sekretera jeneraly, Fatma Samoura, izay tsy vahiny amin’ny Malagasy. Tombony lehibe ho an’i Ahmad ny fanohanan’ireo oloben’ny FIFA ireo azy. Mbola ady goavana anefa izany, fa ny latsa-bato amin’ny 17 martsa izao no hahitana ny vokatra. Anisan’ny manaporofo ny hamafin’ny fifaninanana ny fifidianana izay ho mpikamban’ny filankevitry ny FIFA natao tany Egypta ny herinandro lasa teo ka tany amin’ny laharana faha-3 no nisy an’i Ahmad na dia akaiky ny filoha sy ny sekretera jeneralin’ny FIFA aza.

Toky R