Sport

Fileovana rugby 3FAI Ambalavao Isotry Hankalaza ny faha-35 taonany

Sport
Alatsinainy 12 Martsa 2018

Hankalaza ny faha-35 taona niorenany ny fileovana rugby 3FAI Ambalavao Isotry tantanan-dRtoa Rakotoniriana Raissa ka namory fanindroany an’ireo fileovana nasainy amin’ny lalao rugby enti-manamarika ny tsingerin-taonany ny sabotsy 10 martsa 2018 tetsy Tsaralalàna misy ny foibeny.

Nambaran’ny SG, Me Alain fa ny Tfma, Irc, Tfa, Tam, Stm, Usa ary ny 3FAI ireo klioba nantsoina ka namaly ny antso ireo dia hotolorana lelavola 5 hetsy avy izy ireo hanomanany tsirairay avy an’ity fihaonana ity izay mbola nangatahan’izy ireo hampitomboina kely ka homena valiny rahampitso talata. Hotontosaina ny 24 sy 25 martsa etsy Malacam ny manasa-dalan’ny boaty sy kartie ary ny aprily 2018 kosa ny lalao famaranana ka hahazo amboara sy vola 4.000.000 Ariary ny voalohany ary 2.000.000 ariary kosa ny faharoa.

Ntsoavina Evariste