Sport

Fikambanan’ny tanora mpanao rugby Hanao fihetsehana hanesorana ny filohan’ny FMR

Sport
Alatsinainy 06 Aogositra 2018

Taorian’ny fanatanterahana ny hetsika lalao rugby “Coupe de l’independance 2018” D-1 nifanandrinan’ny Savage Rose Antohomadinika sy Kma Antetezana Afovoany (8-8) ka

nandrombahan’ity farany ny omby mifahy natolotra tamin’izany noho ny nahazoany “essai” voalohany sy ireo lalao famaranana roa “Face à Face” D-1 mbola niadiana omby mifahy avokoa ihany koa, avy amin’ny filohan’ny Antenimieram-pirenena Malagasy, izay lasan’ny Ftam nandavo ny Rosa Club 15-14 sy ny Cnaps Rugby nandresy 28 – 00 ny Matadore A tamin’ny Forfait, no nanambaran’ny filohan’ny FTMRAT “Fikambanan’ny Tanora Mpanao Rugby Ambany Tanàna”, i Nainabe “Rakotondrasoa Jean Heriniaina fa hanatanteraka fivoriana manokana eny amin’ny ANS Ampefiloha izy ireo rahampitso talata 07 aogositra tokakandro ka hitondra sora-baventy ho eny amin’ny ministera mpiahin’ny spaoro hanehoana ny fanesorana ny filohan’ny FMR “Malagasy Rugby”, Rakotomalala Marcel, noho izy manimba ny tontolon’ity lavalava ity amin’ny ankapobeny. Nomeny hanatanterahana foara ny eny amin’ny kianja Makis, hoy ity filohan’ny Ftmrat ity, kanefa rahonany izahay rehefa nifanaraka ny hampiasa ny kianjan’i Mahamasina tamin’ny ben’ny tanàna Lalao Ravalomanana.

Ntsoavina Evariste