Sport

FIKAMBANANA TERRES EN MELEES Nahazo ilay mari-pankasitrahana « le prix Beyond Sport Global Award »

Sport
Talata 25 Septambra 2018

Fikambanana iray miezaka mampiroborobo ny taranja Rugby ho an’ny vehivavy ny fikambanana « Terres en mêlées ».

Any amin’ny Faritra Atsimon’ny Nosy no tena hiasany amin’ny ankapobeny hanampiany sy hanohanany tanora Malagasy manam-piniavana sy te-hivoatra amin’ny fiainana, indrindra fa ny lafiny ara-panatanjahantena. Notolorana ny mari-pankasitrahana « le prix Beyond Sport Global Award 2018 » izy ireo ny faran’ny herinandro teo tamin’ny alalan’ny fitondram-panjakana Malagasy natrehin’ireo mpiantsehatra amin’ny resaka fanatanjahantena maneran-tany, hoy ny NBA, ny FIFA, ny CIO, ny Ligue Bas-ball….Nivoitra tamin’izany fa anisan’ny fikambanana mamondrona ankizy sy tanora maro ny terres en mêlées sady mijery akaiky ny miralenta ihany koa ho fampandraisana anjara ny lahy sy ny vavy. Anisan’ny mpanohana ilay hetsika andiany faharoa amin’ilay fifaninanana rugby eny an-tsekoly hotanterahina amin’ity taona ity indray izy ireo, iarahany amin’ny minisiteran’ny fanabeazam-pirenena. Zazalahy sy zazavavy miisa 8.000 no hahazo tombontsoa amin’izany, misandrahaka manerana ny Nosy.

Pati