Sport

Fikambanana FM2TR Mino sy manantena fa hivoatra i Madagasikara sy ny Rugby

Sport
Sabotsy 12 Janoary 2019

Tao anatin’ny fivoriana voalohany nataon’izy ireo tetsy Andrefanambohijanahary omaly zoma 11 janoary no nanambaran’ny fikambanana FM2TR “Fikambanan’ny Mpanabe sy ny Tena Tia Rugby”

tarihan’ny filohany Randrianarisoa Rija, fa mino sy manantena ry zareo fa hiova sy hivoatra amin’izay ato ho ato i Madagasikara amin’izao nahazoany filoham-pirenena vaovao izao ary hivoatra hiaraka amin’izay koa ny tontolon’ny tarajam-panatanjahantena rugby Malagasy. Nohararaotin’ity fikambanana ity ny fihaonana omaly niarahabany ny vahoaka Malagasy tsy an-kanavaka tratry ny taona vaovao 2019 sady nahazo filoham-pirenena vaovao ihany koa. Narahabain’izy ireo manokana ny filoham-pirenena Andry Nirina Rajoelina amin’izao nahalany azy izao ka hiandraiketany ny fanavotana an’i Madagasikara. Tsy nohadinoin’izy ireo koa ny nisaotra manokana ny mpifanandrina taminy tamin’ny fifidianana fihodinana faharoa dia Atoa Marc Ravalomanana noho ny “fair play” nasehoany.

Ntsoavina Evariste