Sport

Fikambanana FM2TR Hitarika an’ireo klioba hiala amin’ny gaboraraka

Sport
Talata 05 Febroary 2019

Namory an’ireo fileovana mpanao rugby eto an-drenivohitra tetsy Andrefan’Ambohijanahary tamin’ny sabotsy 02 feboary teo ny fikambanana FMT2R “Fikambanan’ny Mpanabe sy ny Tena Tia Rugby” tarihan’ny filoha mpiara-mitantana,

Rakotonasolo Erest sy Randrianarisoa Rija, ka ankoatra ny fifampiarahabana nahatratra ny taona nifanaovana izay nofaranana tamin’ny fiarahana niala hetaheta kely dia fototry ny fampivoriana an’ireto fileovana ireto ny fampihavanana ny mpanao rugby hanaraka ny rafitra ara-dalàna ka hiala amin’ny gaboraraka. Marihana fa tsy mandrava na manongana ny rafitra efa mijoro rehetra ny hetsika FMT2R amin’izany fa mampitambatra ny rehetra ao amin’ny tontolo iraisan’ny mpisehatra rugby Malagasy. Fantatra teny Andrefan’Ambohijanahary tamin’ny sabotsy fa hikarakara “tournoi” ho fampiraisana ny rehetra etsy amin’ny kianja Malacam tsy ho ela.

Ntsoavina Evariste