Sport

Fijerena baolina anio Toerana maro hisy “Fan zone”

Sport
Alakamisy 12 Novambra 2020

Namoaka fampahafantarana ny Fiadidian’ny Repoblika omaly, fa hipetraka ny “Fan Zone” na toerana ahafahan’ny mpankafy manaraka ny lalaon’ny Barean’I Madagasikara mba ahafahan’ny mpiray tanindrazana rehetra manohana. Hisy foana io amin’ny fihaonana in-droa miantohana,

dia anio 12 novambra sy ny 17 novambra izao. Hisy ny “écran” lehibe ahafahana manaraka izany eny an-dalam-be amina toerana maro eto Antananarivo sy any amin’ny faritra: Itaosy, Ambohidratrimo, Sabotsy Namehana, ary manerana ireo boriborintany 6 eto Antananarivo Renivohitra. Hisy ihany koa any amin’ny Faritra toa an’i Toamasina, Antsirabe, Fianarantsoa, Miarinarivo, Moramanga, ary Maevatanàna. Hisy ihany koa any amin’ny faritra rehetra manerana ny Nosy hanarahana izany lalao izany koa entanina ireo tompon’andraikitra ara-panjakana hanao ny lamina rehetra, handefa izany lalao izany in-droa miantoana izany amin’ny fotoana voatoondro, isaky ny faritra izay mety any amin’ny faritra tsirairay, hoy ny toromariky ny Fiadidian’ny Repoblika.

Toky R