Sport

Fihaonan’i Madagasikara sy Sénégal nisy faty olona Nosazian’ny CAF handoa lamandy 10 000 dolara ny FMF

Sport
Sabotsy 29 Septambra 2018

Nosazian'ny Kaonfederasionina Afrikanina momba ny baolina kitra na ny CAF handoa lamandy 10 000 dolara ny Federasionina Malagasin’ny Baolina kitra na ny

FMF noho ilay sakoroka nahafatesana olona nandritra ny fifanandrinan'ny Barean’i Madagasikara sy i Senegal ny 9 septembra teo. Noraran’ny CAF tsy afaka hampilalao ny Barea eo Mahamasina ao anatin’ny 3 volana sy ao anatin’ny lalao iraisam-pirenena 3 hataon’ny ekipam-pirenena ihany koa ny FMF. Ny fanomezan-dàlana avy amin’ny CAF ihany no hahafan’ny FMF mampilalao ny ekipam-pirenena eo aorian’ny fanamarinana sy antoka momba ny filaminana. Hatreto izany dia tombanana ho eny Vontovorona na any Mahanjanga ny lalao hifanandrinana amin'i Guinée Équatoriale ny 16 oktobra aorian’ny lalao mandroso hatao any Malabo ny 13 oktobra.

Toky R