Sport

Fihaonan’i Madagasikara sy Cote d’Ivoire Nitsidika ny kianjan’i Barikadimy ny CAF

Sport
Alakamisy 05 Martsa 2020

Araka ny fantatra dia tonga nitsidika ny kianjan’i Barikadimy, ao Toamasina omaly, ny delegasionina eo anivon’ny kaonfederasionina afrikanin’ny baolina kitra na CAF.

Ity kianja ity hatreto, raha tsy misy ny fiovana, no voafaritra hanaovana ny fihaonan’ny Barean’i Madagasikara sy ny elefantan’i Cote d’Ivoire hahazoana ny tapakila eo amin’ny fiadiana izay ho tompondakan’i Afrika eo amin’ny taranja baolina kitra hatao amin’ny taona ho avy. Fitsirihana na « homologation » moa ity natao ity, raha ny vaovao voaray mba hijerena ny fenitry ny toerana. Nisy koa iny omaly iny ny fanadiovana ny ivelan’ny kianja, izay raha ny fanazavana, dia ao anatin’ny dingana tsy maintsy arahana mialoha ny hanekena ny kianja avokoa izany.

J. Mirija