Sport

Fifidianana Fiohan’ny FMF Malagasy Hametrahan-dRtoa Atallah Beatrice ny dian-tanany indray

Sport
Alatsinainy 26 Novambra 2018

Notendren’ny iraka manokan’ny FIFA, Véron Mosengo-Omba sy Sarah Solémalé tamin’ny zoma 23 novambra teo teny amin’ny Tranon’ny Baolina kitra Malagasy eny Isoraka ireo mpikambana ao amin’ny « Comité de normalisation » hitantana ny vonjimaika ny baolina kitra Malagasy hisolo ny Komitympanatanteraky ny FMF ka hanomana sy hitantana ihany koa ny fifidianana eo anivon’izany FMF izany ary hanomana ny hiatrehan’ny Barea ny CAN 2019 ihany koa. Voalaza tamin’izany ary fa Rtoa Atallah Beatrice mpahay lalàna Malagasy no filoha hitantana an’ity Comité de normalisation ny baolina kitra Malagasy ity, I José Andrianaivo no filoha lefitra ary Sahondra Rabenarivo sy Benony Jacues no mpikambana.. Tamin’ny resaka heno avy eny Isoraka dia tsy nampoizin-dRtoa Atallah Beatrice izao fanendrena azy izao fa dia ny firesahana nivantana tamin’ireto solontenan’ny FIFA ireto no nahafantarany an’izany. Rehefa nametraka ny dian-tanany tamin’ny fifidianana ho filoham-pirenena Malagasy tamin’ny taona 2013 tamin’ny naha filohan’ny CENI azy ity Rtoa Atallah Beatrice ity izay isika rehetra ihany no hamaly an’eritreritra ny vokatra azo tamin’izany dia indro izy fa hametraka tantara indray koa eo amin’ny fifidianana izay ho filohan’ny Federasion’ny Baolina kitra Malagasy.

Ntsoavina Evariste