Sport

Fifidianana filohan’ny FMF vaovao Nokianin’ny minisitra ny ekipan’i Atallah Beatrice

Sport
Alarobia 10 Aprily 2019

“Raha ny resaka fifidianana izay ho filohan’ny FMF “Federasion’ny Baolina Kitra Malagasy”

vaovao tokony hotanterahina alohan’ny 12 mey 2019 ho avy izao araka ny didy navoakan’ny FIFA, hoy ny minisitry ny fanatanjahantena Malagasy Tinoka Roberto tetsy amin’ny ANS Ampefiloha omaly, dia tsy te hiditra “polémique” amin’io resaka io aho fa ny anjaran’ny minisitera tantanako amin’io dia manara-maso fotsiny sy mampahatsiahy ny didy navoakan’ny FIFA ary nalefany taty aminay. Mba manaitra ny sain’ny “Comité de normalisation FMF” izay tarihan-dRamatoa Atallah Betrice ihany anefa aho, hoy izy, fa raha olana ligim-paritra iray ve no tsy vita dia hiandrasana volana septambra vao hotanterahina ilay fifidianana ? Mila mandeha amin’ny hafangainam-pandeha mihoatra ny TGV araka ny nolazain’ny filoha Rajoelina isika, hoy izy, mba hampandrosoana an’ity taranja ity. Miandry ny valin-tenin’ny Fifa anefa isika na hanaiky ny fanalavam-potoam-piasan’ny “Comité de normalisation FMF” izy na tsia.

Ntsoavina Evariste