Sport

Fifidianana filohan’ny FMF Miantso ny Bianco hanara-maso ny K2HB

Sport
Alakamisy 18 Jolay 2019

“Be ireo nanontany tena hoe fa naninona ny komity natao hanarenana ny baolina kitra eto Madagasikara na ny K2HB no tsy nandray anjara tamin’ny firotsahan-kofidiana izay ho filohan’ny federasionina malagasin’ny baolina kitra na FMF ?”,

hoy ny filohan’ity komity ity, Jean Ignace Randrianirina na Ramasy. Raha mbola toy izao ny rafitra sy fikarakarana fifidianana dia aleo tsy mandray anjara satria mampanahy indray ny hiverenan’ireo tsy mety hatramin’izay. Isika miady amin’ny kolikoly nefa ny rafitra sy fikarakarana manome vahana izany. Miantso ny Bianco aho, hoy hatrany ny tenany, mba hanara-maso io fifidianana io. Miantso ny komity mpikarakara ny fifidianana ihany koa mba tsy hanilika amin’ny fandraisana anjara amin’io fifidianana io satria efa sazy hentitra no nomen’ny FIFA antsika teo ary ahiako mbola hihamafy, hoy hatrany ny tenany, raha mbola toy izao no mitranga.

J. Mirija